Marbakkabraut 12
Tasted Wednesday, April 19, 2023 by bitdrerik with 113 views
Að þessu sinni voru allir fastir félagar klúbbsins mættir. Það var margt í gangi. Björgvin setti saman ostakynningu og með henni voru opnuð nokkur vín. Smá pinot noir þema var þarna ásamt dularfullu smakki sem við fengum ekki að vita neitt um fyrirfram. Endað var svo á fimm fínum vínum.
Að venju fróðlegt og skemmtilegt smakk. Ostakynningin var mjög fín. Þar skaraði Parmiggiano stravecchio fram úr. Með ostinum var m.a. opnað portúgalskt freyðivín sem var prýðisgott. Í pinot noir hlutanum þá reyndist eitt vínið reyndar ekki vera pinot noir. Það ruglaði okkur aðeins í ríminu. Það kom í ljós að í dularfulla smakkinu þá vorum við að smakka á Kirkland vínum frá Costco. Við áttum í erfiðleikum með að átta okkur á því. Síðasti flokkurinn var svo flott vín, fimm talsins. Þau komu misvel út eins og gengur. Sum mjög vel, önnur síður.
Fyrir mig þá voru vínin sem stóðu upp úr í smakkinu: Dead Arm, freyðivínið í byrjun og Ardanza vínið. Baroloinn sem var nú ekkert sérstakur í smakkinu sjálfu kom svo sterkur inn kvöldið eftir.
2020 Tua Rita Perlato del Bosco Toscana IGT
Italy, Tuscany, Toscana IGT
Fyrsta flaskan sem var opnuð í smakkinu. Óformlegar nótur með ostasmökkun.
Loftað í 1 tíma. Grænjaxlar og paprika í nefi og á tungu. Whole cluster? Leit út fyrir að vera frekar einfalt vín við fyrstu sýn. Við urðum agndofa þegar hulunni var svipt af víninu. Þetta er vín sem kostar 5.500 og stendur sig ekki betur en þetta. Set ekki einkunn en hún væri ekki mjög há, 84-86.
Eftir smakkið þá tók ég restina af víninu með til að skoða betur kvöldið eftir.
Þá komu fram skógarber í ilmi. Líka dökk kirsuber. Á tungunni mjúkt og þægilegt í góðu jafnvægi. Mjög mikil framför frá kvöldinu áður myndi gefa því 88-90 seinna kvöldið. Greinilegt að þetta vín þarf talsvert langa umhellingu til að blómstra eða þá að vera geymt í nokkur ár.
Post a Comment / Do you find this review helpful? Yes - No / Report Issue
2020 Monte das Herdades Brut Nature 89 Points
Portugal, Alentejano, Alentejo
Líka í óformlegu smakki með ostum. Ljósbleikur litur. Virkileg sprengja í ilmi, mjög kröftugur ilmur. Jarðarber, hunang og rabarbari. Á tungu rauðvínstilfinning. Jarðarber líka á tungu. Virkilega fínt freyðivín.
Það má þó ekki gleyma því að þetta vín kostar næstum 10.000 kall sem er sama og verð á virkilega fínu NV kampavíni. Mér finnst þetta vín ekki alveg vera þar og því ekki hærri einkunn.
Post a Comment / Do you find this review helpful? Yes - No / Report Issue
2020 Monte das Herdades Premium Branco 89 Points
Portugal, Alentejano, Alentejo
Síðasta flaskan í óformlegu smakki með ostum. Ljóst á litinn. Hálmur, keita, Látlaus ilmur. Smjör fita á tungu. Góð fylling og gott eftirbragð. Rúnnað. Sítrusbörkur og smjör í eftirbragði.
Post a Comment / Do you find this review helpful? Yes - No / Report Issue